Receitas enerxéticas co prato ALIMENTES

Co cambio de hora e a baixada de temperaturas, o outono asentouse definitivamente. Xa fixemos cambio de armario e tamén hai novidades na despensa, verdade? Na cociña, toman protagonismo ingredientes como os cogomelos, as castañas, a cabaza ou as mazás e é o momento de buscar receitas que nos acheguen unha dose extra de enerxía para afrontar o cansazo habitual destas datas. Hoxe queremos axudarche a planificar os menús de tempada botando man dunha das nosas ferramentas favoritas: o prato ALIMENTES: o menú saudable. Apetéceche que che deamos algunhas ideas para as próximas semanas? Segue lendo!

Produtos de tempada

Se nos segues desde hai tempo, sabes que sempre insistimos na planificación como a mellor maneira de lograr uns hábitos de alimentación saudable. Así, a falta de tempo non interferirá á hora de seguir mantendo unha dieta completa e equilibrada. Ademais, en Gadis temos un compromiso firme coa sustentabilidade e, por iso, apostamos por produtos locais e de tempada. Teñen moitas vantaxes!:

• Xeran riqueza na nosa contorna máis próxima.
• Reducen o consumo de enerxía na produción, xa que seguen o ciclo natural de cultivo.
• Percorren menos distancia para chegar á nosa mesa, reducindo emisións e logrando maior frescura.
• Adoita haber máis oferta e o seu prezo adoita ser menor.

O outono bríndanos unha infinidade de cores con produtos moi versátiles. É tempada de cabazas, berenxenas, brócoli, espinacas, coliflor, cabaciñas… Todas son verduras ricas en vitaminas e minerais coas que se poden preparar pratos moi variados, desde cremas ou guisos ata ensaladas. Tamén as froitas e froitos desta estación bríndannos a posibilidade de despregar a nosa creatividade gastronómica: caquis, froitos vermellos, mazás, uvas, castañas, abelás ou noces achegarannos a enerxía que necesitamos nesta época do ano. E non esquezamos os cogomelos! Ademais, de ser deliciosas, poden converterse nunha escusa perfecta para un paseo pola natureza, non crees?

Receitas enerxéticas co prato ALIMENTES

O prato ALIMENTES ofréceche un sinxelo esquema coas proporcións dos distintos grupos de alimentos que debes incluír nas túas cinco comidas diarias e explícache como dividilas. Seguro que xa as coñeces, pero lembrámoscha por se acaso:

• ½ prato de vexetais e froitas
• ¼ prato de proteínas saudables (fundamentalmente, aves, peixe e legumes)
• ¼ plato de grans integrais (pan, pasta e arroz integrais, quinoa ou pataca)

Hoxe propoñémosche tres receitas outonais ás que poderás introducir algunha variación para adaptalas ao stock da túa despensa 😉.

Ensalada de chips de batata

Ingredientes:

• Variedade de leitugas
• Coéngos
• Batata
• 100 g queixo
• Granada
• Aceite de oliva virxe extra
• Vinagre de mazá
• Sal

Preparación:

1. Lava e escorre as leitugas e os cóengos, e reserva.
2. Pon un pouco de aceite nunha tixola e frite a batata cortada en toros moi finos. Tamén podes facelo no forno.
3. Nun cunco, coloca as leitugas e os cóengos, reparte por encima as chips de batata, os grans de granada e lascas do queixo que máis che guste. Sala e adereza co vinagre de mazá e un pouco de aceite de oliva virxe extra.

Pisto con setas e ovos

Ingredientes:

• 1 cabaciña
• 1 berenxena
• 1 pataca grande
• 1 pemento vermello
• 150 g setas de cardo frescas
• 250 ml salsa de tomate
• 4 ovos
• Aceite de oliva virxe extra
• Sal

Preparación:

1. Lava a pataca, córtaa en toros e refoga nunha cazola grande con seis culleradas de aceite. Sazona e cociña durante 3-4 minutos por cada lado.
2. Lava e curta en toros a cabaciña, a berenxena e o pemento e colócaos sobre a pataca nesa orde. Sazona cada capa e tapa a cazola. Cociña a lume medio durante 20-22 minutos que as hortalizas estean feitas.
3. Corta os cogomelos en tiras, engádeos á cazola e sazónaos. Tapa e cociña durante 5 minutos máis. Verte a salsa de tomate e remove a cazola. Agrega os ovos, sazona, tapa e cociña todo durante 2-3 minutos máis e estará listo para servir.

Rape ao vapor con crema de cabaza

Ingredientes:

• 2 lombos de rape
• 200 g cabaza
• 1 pataca
• 2 alcachofas
• 12-16 pistachos pelados
• 1/4 l leite
• Aceite de oliva virxe extra
• Vinagre
• Sal
• Pementa
• 1 culleradiña de pementón
• Perexil

Preparación:

1. Prepara a crema de cabaza, poñendo a quentar 1/4 l de auga e 1/4 de leite nunha cazola. Pela e parte a pataca e a cabaza (en dados) e méteas na cazola. Sazona e cociña durante 10-12 minutos. Tritura os ingredientes cunha batedora e reserva.
2. Quenta un pouco de auga nunha cazola ampla e baixa. Sazona e engade unhas ramas de perexil. Corta o rape en medallóns, salpimenta e colócaos nunha vaporera cuberta cun anaco de papel de forno. Tapa a vaporera e pona na cazola. Cociña durante 6-8 minutos.
3. Pela as alcachofas retirándolles 2-3 capas e recorta a parte superior. Córtaas en cuarteiróns, sazona e cocíñaas nunha tixola con 2 culleradas de aceite quente durante 4-5 minutos.
4. Prepara a vinagreta, picando os pistachos finamente. Nun bol, mestura os pistachos cunha cullerada de vinagre, 3-4 culleradas de aceite e un pouco de perexil picado.
5. Para servir, pon un pouco de crema de cabaza na base do prato, coloca os medallóns de rape, adereza coa vinagreta e engade uns cuarteiróns de alcachofa. Espolvorea os pratos con pemento e listo!

Que che parecen estas receitas outonais? Podes rematar o menú cunhas castañas asadas. Estamos en tempada de magostos!