Receitas saudables e do Nadal para preparar en familia

A comida é unha das grandes protagonistas destas datas e é importante que os máis pequenos da casa se sintan integrados e poidan participar na planificación das propostas culinarias, non che parece? O Nadal é un bo momento para compartir tradicións porque, ao final, o padal é tamén unha boa fonte de recordos. Quen non ten sabores que lle trasladan directamente á infancia? Hoxe queremos propoñerche algunhas receitas saudables e do Nadal para preparar en familia. Quizá poidas introducir algunha nos teus menús destes días para lograr que os teus fillos e fillas sintan que o seu papel dentro das celebracións alcanzou un novo nivel e, quen sabe?, poida que establezas un novo costume na familia 😉. Anímaste a probar? Segue lendo!

Receitas saudables e do Nadal para preparar en familia

Saudable e Nadal parece que dificilmente encaixan na mesma frase, pero verás que non é un reto inalcanzable. Ademais, non só se trata da nosa saúde, senón tamén da do planeta. En Gadis mantemos unha aposta firme pola sustentabilidade e polo consumo de produtos locais e de tempada, e iso non podía cambiar nestas propostas. Por iso, as nosas suxestións inclúen froita e verdura que agora atoparás no seu punto óptimo de maduración na nosa sección de froita e verdura para que os teus pratos teñan un sabor que enamore aos teus comensais. De todos os xeitos, isto non quere dicir que non poidas facer algunha concesión. As festas son momentos excepcionais nos que podes introducir algún capricho que adoce o momento. Estas son as nosas propostas, que pretenden ser moi sinxelas para que os nenos e as nenas poidan ter un papel máis importante que o de pinche 😉.

Espetos de langostino e mango

Ingredientes:

• Lagostinos pequenos cocidos (a cantidade dependerá do número de comensais)
• 1 mango grande
• Pementón picante
• Limón
• Perexil picado
• Pementa negra moída

Preparación:

1. Espreme o zume dun limón e pono nun recipiente. Agrega o pementón picante, a pementa negra moída e perexil picado ao teu gusto. Mestura ben.
2. Pela os lagostinos e ponos dentro dese mesmo recipiente. Mestura co mollo de limón e as especias. Tapa con papel filme e deixa marinar en frío durante polo menos catro horas.
3. Cando vaiades servir o aperitivo, pela o mango e córtao en cubos. Despois, pica nun pau de espetada un par de lagostinos e un cubito de mango. Se os lagostinos son moi grandes, usa só un por espetada.

Pescada en salsa verde

Ingredientes:

• pescada en toros
• 1 cebola
• 2 dentes de allo
• 100 ml viño branco
• 200 ml caldo de pescado ou fumet
• 10 g fariña de trigo (opcional)
• Aceite de oliva virxe extra
• Sal
• Perexil fresco
• 12 ameixas (opcional)

Preparación:

1. Pela e pica os dentes de allo e refoga nunha cazola baixa. Engade a cebola relada e sofrite a lume moi suave ata que estea ben pochada e translúcida. Engade unha cullerada de fariña (se queres espesar a salsa), remove ben e refoga durante un par de minutos.
2. Verte o viño branco e o caldo, remove para que non se formen grumos se engadiches a fariña e deixa cocer durante dez minutos. Mentres tanto, pica un bo puñado de follas de perexil fresco e engádeas á cazola xunto cos toros de pescada, previamente salpimentadas, e as ameixas (se queres usalas).
3. Tapa a cazola, deixa cocer a lume medio durante cinco minutos e estará listo para servir.

Flan de compota de mazá

Ingredientes:

• 2 mazás
• 3 ovos
• 300 ml leite
• Caramelo líquido
• 1 cullerada de azúcar
• 2 rebanadas de pan de molde (ou de biscoito)
• 30 g manteiga

Preparación:

1. Pica as dúas mazás en dadiños e dora nunha tixola coa manteiga e engadindo unha cullerada de azucre. O que se pretende é que se caramelice lixeiramente e tome unha cor máis intensa.
2. Bate os ovos, engade as sobras de biscoito ou dúas rebanadas de pan de molde e o leite. Mestura ben e incorpora a mazá, removendo para que quede todo ben repartido.
3. Nun molde de flan, cobre o fondo con caramelo líquido e verte a mestura. Despois tes que cociñalo no forno ao baño maría durante uns 40 minutos, comprobando cunha espetada que estea ben callado antes de retiralo.
4. Deixa arrefriar o flan dentro do molde antes de desmoldar para que se asente ben. Méteo na neveira polo menos 4 horas e despois xa podes servilo.

E de premio para os pequenos: crema rápida de chocolate sen azucre

Ingredientes:

• 300 g chocolate de cobertura sen azucre
• 350 g iogur grego
• 100 ml nata líquida
• Froitos vermellos

Preparación:

1. Garda unha onza de chocolate para a decoración da crema e parte o resto. Introdúceo nun caciño coa nata líquida. Quenta a lume suave, removendo para que se vaia derretindo.
2. Pasa a mestura a un recipiente amplo e fondo para que se tempere. Engade 300 gramos de iogur grego e bate cunhas baleas ata que estea ben mesturado. Reparte a crema en cuncos e garda na neveira polo menos dúas horas.
3. Retira a crema da neveira 30 minutos antes de servir e deixa repousar a temperatura ambiente. Decora cunha cullerada de iogur, froitos vermellos ao gusto e un pouco de chocolate relado pola superficie.

Que che parecen estas receitas para facer cos pequenos da casa? Felices festas!